“Toshshahartransxizmat” AJ bo`limi boshlig`i Shahboz G`ofurovning so`zlariga ko`ra, yaqin kunlarda poytaxt jamoat transporti haydovchilari tushum rejasidan ozod qilinib, ularga bosib o`tgan har bir kilometriga qarab haq to`lash amaliyoti joriy etiladi.
Kompaniya vakili bunga ayrim haydovchilar tushum rejasini bajarish uchun qoidaga zid ravishda antennani o`chirib qo`yishi yoki o`rnatilgan GPS-trekerning modifikasiyasini o`zgartirishi kabi holatlar uchrayotganini sabab qilib ko`rsatgan.
Ta`kidlanishicha, ishlab chiqilgan loyihaga ko`ra kelajakda haydovchilar yo`lkira uchun pul yig`ishdan ozod qilinadi, ular faqat reyslar harakati jadvali va intervaliga rioya qilishlari lozim bo`ladi.
