30 mart kuni kuni soat 00:50 larda uch nafar noma`lum shaxslar bir guruh bo`lib, yuzlariga niqob taqqan holda M.Xasanov MFY hududida yashovchi Ya.A.ning yashash xonadoniga g`ayriqonuniy ravishda devor oshish orqali kirishib, xonadonga mehmon sifatida kelib, yotoqxonasida uxlab yotgan qizi Yu.O.ni va uning turmush o`rtog`i Yu.F.ni do`pposlagan.
Farg`ona viloyati IIB Axborot xizmatining bergan ma`lumotiga ko`ra, bosqinchilar eabrlanuvchilarning hayoti yoki sog`lig`i uchun xavfli bo`lgan usulda tanasini turli joylariga qo`llari bilan urganda, jabrlanuvchi Yu.F noma`lum shaxslarning biriga faol qarshilik ko`rsatganda, noma`lum shaxs sherigini qutqarish uchun o`tkir tig`li jism bilan qurollanib, Yu.F.ga tan jarohati etkazib, hodisa joyidan yashirinishgan.
Mazkur holat yuzasidan Quva tumani IIB huzuridagi tergov bo`limi tomonidan Jinoyat kodeksining 164-moddasi 3-qismi “v,g” bandlari (bosqinchilik) bilan jinoyat ishi qo`zg`atilgan.
Farg`ona viloyati IIB JQB va tuman IIB xodimlari tomonidan olib borilgan tezkor qidiruv harakatlari davomida ushbu jinoyatni Q.N., Q.M. va O.A.lar sodir etganligi aniqlanib, prosessual tartibda ushlangan.
Eslatib o`tamiz, Jinoyat kodeksining 164-moddasi 3-qismida ko`rsatilgan jinoyatni sodir etgan shaxs o`n besh yilgacha ozodlikdan mahrum qilish bilan jazolanadi.
