Xalq ta`limi vazirligi axborot xizmati ma`lum qilishicha, “El-yurt umidi” jamg`armasi bakalavriat ta`lim dasturi uchun 100 nafar stipendiya ajratgan.
O`qituvchilarda esa ajratilgan 50 tagacha magistratura va doktorantura darajasida ta`lim dasturlari stipendiyasidan foydalanish imkoni mavjud.
Stipendiatlarning quyidagi harajatlari to`liq moliyalashtiriladi:
- o`qishi bilan bog`liq barcha xarajatlar;
- xorijiy davlatda yashash
- turar joy;
- xalqaro va ichki transport;
- sug`urta, viza va adabiyotlar xarid qilish.
Stipendiatlar xorijiy davlatlarda muvaffaqiyatli tahsil olib qaytgach, ular O`zbekiston Respublikasi Prezidenti huzuridagi Davlat xizmatlarini rivojlantirish agentligining Milliy kadrlar zaxirasiga olinadi.
- Tanlovda qatnashadigan xorijiy universitetlar ro`yxati;
- Tanlov shartlari;
- Talab etiladigan hujjatlar;
- Imtihon muddatlari;
Savollaringizga Xalq ta`limi vazirligi hamda “El-yurt umidi” jamg`armasi vakillari javob beradi.
Ochiq muloqot 14 aprel kuni soat 15:00 da Xalq ta`limi vazirligining facebook ijtimoiy tarmog`idagi rasmiy sahifasida bo`lib o`tadi.
