Yoshlarni sport, madaniyat va san`atga qiziqtirish uchun konkurs va musobaqalar ko`paytiriladi. Bu haqda Prezident videoselektori yig`ilishida ishtirok etayotgan “Darakchi” muxbiri xabar bermoqda.
Prezident topshirig`iga binoan, turizm va sport vaziri Aziz Abduhakimov, bosh vazir o`rinbosari Bekzod Musaev, Yoshlar agentligi viloyat hokimlari bilan birga, ikki hafta muddatda yoshlarning nufuzli xalqaro sport, madaniyat, san`at va fan tanlovlarida ishtiroki bilan bog`liq xarajatlarni qoplash tizimini yo`lga qo`yadi.
Shu bilan birga, joriy yilda 2 million nafar yoshlarni ta`lim muassasalarining sport zallari va maydonlarida to`garaklar hamda musobaqalarga jalb qilinib, respublika darajasida tanlovlar, musobaqalar o`tkazish grafigini ishlab chiqiladi.
