Bu xushxabar ham Prezident videoselektorida ma`lum qilindi.
“Bu masalani hal qilish bo`yicha Hukumat tomonidan alohida dastur tayyorlanmoqda. Unga ko`ra, bunday farzandlarimizga 1 maydan boshlab ijara to`lovining yarmi davlat tomonidan qoplab beriladi. Dastlabki bosqichda ushbu tizim orqali 60 ming nafar yoshlar qamrab olinadi”, dedi Prezident.
Shu bilan birga, ehtiyojmand talabalarga ushbu xarajatlar hokimliklar va oliygohlar mablag`i hisobidan ham qoplab beriladi.
Ushbu maqsadlar uchun Moliya vazirligi 100 milliard so`m ajratadi. To`lovlar 1 maydan boshlanadi.
