Бу хушхабар ҳам Президент видеоселекторида маълум қилинди.
“Бу масалани ҳал қилиш бўйича Ҳукумат томонидан алоҳида дастур тайёрланмоқда. Унга кўра, бундай фарзандларимизга 1 майдан бошлаб ижара тўловининг ярми давлат томонидан қоплаб берилади. Дастлабки босқичда ушбу тизим орқали 60 минг нафар ёшлар қамраб олинади”, деди Президент.
Шу билан бирга, эҳтиёжманд талабаларга ушбу харажатлар ҳокимликлар ва олийгоҳлар маблағи ҳисобидан ҳам қоплаб берилади.
Ушбу мақсадлар учун Молия вазирлиги 100 миллиард сўм ажратади. Тўловлар 1 майдан бошланади.
