Ijtimoiy tarmoqlarda soliq organi xodimlari sotuvchi ayollarning buyumlarini tortib olishga urinib, erda sudragani aks etgan video tarqaldi.
Videoda soliqchilar ko`chada sotuvchilik qilayotgan ayollarning buyumlarini tortib olib, mashinaga yuklashga uringani aks etgan. Ayollardan biri buyumlarini berishni xohlamagan, soliq organi xodimi uni erda sudrab, sumkasini majburan olib qo`ygani, onasini himoya qilayotgan bolakay ko`rishingiz mumkin.
«Uyimda non qolmadi, ber narsalarimni», deya baqiradi sotuvchi ayol.
Davlat soliq qo`mitasi Raisi Sherzod Kudbiev soliq xodimlari sotuvchilik orqali kun ko`ruvchi ayollarning buyumlarini olib qo`ygani yuzasidan video munosabat bildirdi.
«Soliq organlari kuchishlatar idora emas, balki tadbirkorlarga ko`makchi bo`ladigan tashkilot. Bunday holat yuz bergani uchun butun xalqimizdan uzr so`rayman», dedi qo`mitasi Raisi.
Davlat soliq qo`mitasi raisining video bayonotiga ko`ra, voqea Olmaliqda sodir bo`lgan. Mazkur holatni shaxsan o`zi hududga borib o`rganishini, aybdorlarga nisbatan qat`iy choralar ko`rilishini ta`kidladi.
