Bundan bir qancha vaqt muqaddam AOKA va IIV axborot xizmati o`zaro hamkorlikda narkotik moddalari reklamasi joylashtirilgan manzil haqida xabar qabul qiluvchi @stopnarko_bot Telegram botini ishga tushirgan.
O`tgan qisqa vaqt ichida mazkur botga keng jamoatchilik tomonidan ko`plab ma`lumotlar kelib tushgan. Ushbu ma`lumotlar asosida tegishli o`rganishlar olib borilgan hamda ijtimoiy tarmoqlarda narkotik moddalar reklamasi, manzili haqida ma`lumot beruvchi 50dan ortiq resurs faoliyati to`xtatilgan.
Ma`lum qilinishicha, bu boradagi ishlar izchil davom ettiriladi. Shuningdek, fuqarolardan narkotik moddalar reklamasi joylashtirilgan barcha ma`lumotlarni @stopnarko_bot ga yuborish so`ralmoqda.
