16 aprel kuni ommaviy axborot vositalari va ijtimoiy tarmoqlarda “Muhojir ayol: Meni va qizimni zo`rlaganlar ozodlikda yuribdi” nomli videomaterial keng tarqaldi. O`zbekiston Respublikasi Oliy Majlisi Senati holat yuzasidan o`rganish olib bordi.
Videolavhada Rossiya Federasiyasining Sankt-Peterburg shahrida mehnat qilayotgan O`zbekiston Respublikasi fuqarosi va uning ikki farzandiga nisbatan sodir etilgan zo`ravonlik harakatlari bo`yicha xabarlar aks ettirilgan.
Ushbu masala Senatning Xalqaro munosabatlar, tashqi iqtisodiy aloqalar, xorijiy investisiyalar va turizm masalalari qo`mitasi tomonidan nazoratga olindi.
Hukumatning tegishli vazirlik va idoralariga tezkor so`rovnomalar yuborildi.
O`rganish natijalari yuzasidan ma`lumot beriladi.
