Kecha, 20 aprel kuni Qashqadaryo viloyatida velosportning shosse yo`nalishi bo`yicha "SHAHRISABZ OPEN" xalqaro turniriga start berilgan edi. Bugun ushbu xalqaro turnir o`z yakuniga etdi. Bu haqda Turizm va sport vazirligi ma`lum qildi.
Bugun musobaqaning ikkinchi kungi bahslari doirasida ishtirokchilar velosportning kriterium guruh poygasi yo`nalishi bo`yicha o`zaro kuch sinashdi.
70 nafardan ortiq sportchi Shahrisabz shahridagi "Oq saroy" majmuasi atrofida 60 km masofani aylangan holda bosib o`tishdi. Kriterium guruh poygasi yo`nalishi bo`yicha g`olib va sovrindorlar quyidagicha ko`rinish oldi:
1. Umidjon Baxtiyorov (Xorazm);
2. Damir Zabirov (Toshkent viloyati);
3. Akrom Sunnatov (Toshkent viloyati).
Musobaqa g`olib va sovrindorlari tashkilotchilar tomonidan diplom, pul mukofotlari va qimmatbaho estalik sovg`alari bilan taqdirlanishdi.
