Madridning “Real” jamoasi hujumchisi Krishtianu Ronaldu avvalgi tezligini qaytarib, shu yo`l orqali ajoyib o`yin ko`rsatish niyatida ekanini aytib o`tdi.
Portugaliyalik hujumchining fikricha, ortiqcha vazn uning futbolchilik faoliyatiga salbiy ta`sir ko`rsatishi mumkin. Shuning uchun, u mushaklar og`irligini yo`qotishga qaror qilgan. O`tgan yili u 2 kilogramm vazn tashlashga muvaffaq bo`ldi.
Ayni damda 31 yoshli futbolchi 78 kilogramm vaznga ega. U uzoq vaqt davomida sport formasini saqlab turish uchun har yili kamida 1 kilogramm vazn yo`qotmoqchi.
