Aholiga olib borilayotgan islohotlar mazmunini tushuntirish, amaldagi qonunchilikni keng jamoatchilik o`rtasida targ`ib qilish, fuqarolarning huquqiy ongi va madaniyatini yanada yuksaltirish, huquqiy maslahatlar berish orqali mavjud muammolarni hal etish yuzasidan sudyalar tomonidan ham keng ko`lamli ishlar amalga oshirilyapti. Ta`kidlash joiz, uchrashuv va muloqotlar jarayonida ko`plab chigal masalalar o`z echimini topyapti. Ahamiyatlisi, fuqarolarga qulaylik yaratish maqsadida bunday uchrashuvlar sayyor tartibda, mahalla guzarlarida tashkil etilyapti. Shu man`noda, Toshkent shahrining tumanlarida “Ayollar daftari”ga kiritilgan xotin-qizlarga samarali va huquqiy yordam ko`rsatilishini ta`minlash maqsadida sudyalar tomonidan doimiy ravishda shaxsiy qabullar o`tkazib kelinyapti. Bu haqda Toshkent shahar sudining Jamoatchilik va OAV bilan hamkorlik bo`yicha bosh konsultanti Sadoqat Allaberganova xabar qildi...
Toshkent shahar sudi iqtisodiy ishlar bo`yicha sudyalari Baxtiyor Israylov, Irina Xakimova, jinoyat ishlari bo`yicha Uchtepa tuman sudi raisi Dilshod Kamilov, sudyalar Xusan Xamidov, Bolat Sultanov, To`lqin To`raqulov, fuqarolik ishlari bo`yicha Uchtepa tumanlararo sudi rais o`rinbosari Go`zal Abduraxmonova Uchtepa tumanidagi “Ko`kcha oqtepa”, “Jurjoniy” MFYlarda “Ayollar daftari”da ro`yxatda turgan xotin-qizlar, mahalla fuqarolari va faollar ishtirokida sayyor uchrashuv o`tkazishdi.
Fuqarolik ishlari bo`yicha Uchtepa tumanlararo sudi raisi Mansur Imomov esa Uchtepa tumanidagi “Cho`lpon ota” MFYdagi “Ayollar daftari”ga kiritilgan xotin-qizlarga huquqiy maslahat va tushuntirish berdi.
Uchrashuvda xotin-qizlarning uy-joy, oila, nikoh, meros, tadbirkorlik faoliyatini boshlash, mulk huquqini belgilash bilan bog`liq savollari va muammoli masalalari o`rtaga tashlandi. Har bir fuqaroning savoliga sudyalar tomonidan malakali huquqiy tushuntirishlar berildi.
Bundan tashqari, uchrashuvda 2021 yil 14 yanvardagi Qonunlariga asosan sud qarorlarini qayta ko`rish instituti takomillashtirilishi munosabati bilan Prosessual kodekslarga kiritilgan o`zgartirish va qo`shimchalar, shuningdek saylov qonunchiligiga oid qonun hujjatlariga kiritilgan oxirgi o`zgartirish va qo`shimchalarning mazmun-mohiyati xalqchil tilda tushuntirildi.
“Mening mahallam – mening sudyam” g`oyasi asosida o`tkazilayotgan bunday uchrashuvlarning yana biri Olmazor tumanidagi “Gulsaroy” MFYda tashkil etildi.
Unda Toshkent shahar sudining iqtisodiy ishlar bo`yicha sudlov hay`ati sudyasi Ravshan Rashidov va jinoyat ishlari bo`yicha Olmazor tuman sudi sudyalari nafaqat “Ayollar daftari”ga kiritilgan xotin-qizlar, shuningdek, faollar, tadbirkorlar, huquqiy ko`makka muhtoj fuqarolar bilan ochiq muloqot o`tkazdi. Uchrashuvda fuqarolarni qiynab kelayotgan muammolar tinglandi va moddiy yordam ham berildi.
XUSUSAN, shu mahalla fuqarosi Sh.Azimovaning voyaga etmagan bolalarga ajratiladigan bola puli berilmayotganidan norozi bo`lib qilgan murojaatiga bolaning parvarishi bo`yicha ajratiladigan nafaqa, shuningdek kam ta`minlangan oilalarni qo`llab-quvvatlash bo`yicha moddiy yordam ajratish, to`lash tartibi va shartlari haqida tushuntirish berildi.
Yana bir fuqaro R.Djalilovning o`zganing mulkidan cheklangan tarzda foydalanish, ya`ni servitut belgilash tartibi borasidagi murojaatiga yuzasidan ham huquqiy yo`l-yo`riqlar berildi.
Sudya Xurshid Sodiqov “Bo`stonobod” MFYda bo`lib, ayollarga o`zlarini qiziqtirgan masalalar yuzasidan tegishli huquqiy tushuntirishlar berdi.
XUSUSAN, N. Mirzaxmedova ayrim sabablarga ko`ra yashayotgan manziliga doimiy “propiska”ga o`ta olmayotganini ma`lum qilgach, sudya buning uchun Olmazor tumani IIO FMB Pasport bo`limiga murojaat qilishi lozimligini tushuntirdi.
Sudya Jamoliddin Najimov esa “Shifokorlar” MFYda bo`lib, ayollarning muammolarini o`rganib, ularga tegishli tushuntirishlar berdi.
Sudya Zoxiddin Nuriddinov “Chiltug`on”, “Qorasaroy” MFYlaridagi xotin-qizlar bilan suhbat o`tkazdi. Vazirlar Mahkamasining 2021 yil 8 yanvardagi “Xotin-qizlarni ijtimoiy qo`llab-quvvatlash bo`yicha qo`shimcha chora-tadbirlar to`g`risida”gi qarori qabul qilingani va hujjat bilan xotin-qizlar muammolarini “Ayollar daftari”ni yuritish orqali tizimli ravishda hal etish va ularni ijtimoiy qo`llab-quvvatlash bo`yicha vaqtinchalik tartib tasdiqlangani yuzasidan qarorning mazmun va mohiyatini tushuntirdi.
Jinoyat ishlari bo`yicha Chilonzor tuman sudi sudyasi Anvarjon Iminov tumanda joylashgan “Cho`ponota” va “Fidokor” mahallalarida davra suhbatlari o`tkazdi.
Xotin-qizlar, mahalla fuqarolari, faollar va ichki ishlar xodimlari ishtirok etgan mazkur davra suhbatlarida “Ayollar daftari”da ro`yxatda turgan xotin-qizlarning huquqiy masalalar yuzasidan murojaatlari tegishli tartibda o`rganib chiqildi.
Jinoyat ishlari bo`yicha Yunusobod tuman sudi raisining v.b. Fotima Ismailova tomonidan “Axmad Donish” MFYdagi otin-qizlari bilan uchrashib, sud-huquq sohasiga oid muammolarini o`rganish va ularni qonunda belgilangan tartibda hal etish mexanizmlari to`g`risida suhbatlashdi.
Huquqiy yordamga muhtoj bo`lgan 2 nafar xotin-qizning murojaatlari og`zaki qabul qilinib, tegishli huquqiy tushuntirishlar berildi.
Jinoyat ishlari bo`yicha Yunusobod tuman sudi sudyasi Abbosxon Shamaxmudov tomonidan “Qulolqo`rg`on” MFYdahuquqiy yordamga muhtoj bo`lgan jami 8 nafar xotin-qizlar bilan sayyor uchrashuv o`tkazildi. Shuningdek, hududda istiqomat qilib kelayotgan hamda “Ayollar daftari”ga kiritilgan xotin-qizlarning sud-huquq sohasiga oid muammolarini o`rganish va ularni qonunda belgilangan tartibda hal etish mexanizmlari to`g`risida fikrlar almashuvi amalga oshirildi.
Qabul qilingan xotin-qizlarning 2 nafari sud-huquq masalalarida, 6 nafari esa ijtimoiy-iqtisodiy va boshqa masalalarga oid murojaatlarni tashkil etadi. Barcha murojaatlarga tegishli huquqiy tushuntirishlar berildi.
Jinoyat ishlari bo`yicha Yunusobod tuman sudi sudyasi Timur Xasanov esa “Beg`ubor” va “Bodomzor” MFYlarda manzilli huquqiy yordam ko`rsatish maqsadida 4 nafar xotin-qizlar bilan sayyor uchrashdi.
Qabul qilingan xotin-qizlarning 1 nafari sud-huquq masalalarida, 3 nafari esa ijtimoiy-iqtisodiy va boshqa masalalarga oid murojaatlarni tashkil etadi.
Toshkent shahar fuqarolik ishlari bo`yicha Mirzo Ulug`bek tumanlararo sudining sudyalari Adila Sultanova, Guli Shukurlaeva, Dilfuza Dadadajanova, Zulfiya Nuralieva, Azizbek Djalilov tomonidan Yunusobod tumanidagi “Matonat” mahalla fuqarolari yig`inida sayyor qabul o`tkazildi.
XUSUSAN, ushbu MFY fuqarolari bo`lgan E.Li turmush o`rtog`i bilan o`rtalarida doimiy kelishmovchiklar kelib chiqayotgani, voyaga etmagan farzandi borligi, doimiy janjallar farzandining ruhiyatiga salbiy ta`sir ko`rsatishi, ular bilan bir necha marotaba yarashtirish va oilani saqlab qolish maqsadida suhbat olib borilgani yuzasidan muammosiga echim izladi.
A.Filiposyan esa shu uyning pastki qavatida yashovchi boshqa qo`shnisi bilan arzimas bahonalar bilan janjallashib, doimiy ravishda bir-birlarini haqoratlashlari, yuqoriqavatda turuvchi fuqaro doim axlat va chiqindilarni tashlab, tozalikka rioya etmasligi sababli o`rtalarida janjallar bo`lib turishini, ularni mahalla faollari tomonidan bir necha bor yarashtirish choralari ko`rilganligi to`g`risida, ushbu fuqarolar huquqiy maslahatga muxtoj ekanliklarini bayon qilishdi.
Shuningdek, uchrashuvda ta`sischilarning ulushlarini belgilash, uni tasarruf etish, uy-joy nizosi kabi qator muammolar ham o`rtaga tashlandi.
Fuqarolar o`rtasida mavjud muammolarni oldini olish va bartaraf etish choralarini ko`rish lozimligi to`g`risida tushuntirishlar berildi. Sudyalar va sayyor qabul ishtirokchilari har qanday huquqiy masalalar yuzasidan sudyaning qabul vaqtini kelishib olishdi.
Sudyalar “Ayollar daftari”ga kiritilgan ayollar va “Yoshlar daftari”ga kirtilgan yoshlarning muammolarini o`rganish uchun Mirzo Ulug`bek tumanidagi “Munavvar Qori” MFYda ham bo`lishdi.
Fuqarolar R.Zufarova, X.Agzamova pensiya masalasida huquqiy ko`mak berilgandi. U.Xasanova qiziga uy-joy va nikohni rasmiylashtirish bilan bog`liq huquqiy yordamga muxtoj ekanini ma`lum qildi.
Jinoyat ishlari bo`yicha Mirzo Ulug`bek tuman sudi sudyalari Sanjar Abdug`aniev “Oqibat” MFY, Vladislas Svetkov “Buyuk Ipak yo`li” MFY, Baxodir Qayumov “Yalong`och” MFY, Baxrom Berdiev “Bahor” MFY, Muhammad Qayumov “Darxon” MFY, Shuhrat Bakaev “Sho`rtepa” MFYda bo`lishdi.
Toshkent shahar sudi sudyalari, jinoyat ishlari bo`yicha Sirg`ali tuman sudi raisi va sudyalari tumandagi“Ziynat”, “Ittifoq”, “Sofdil”, “Nurhayot” MFYda ijtimoiy-iqtisodiy jihatdan qo`llab-quvvatlash bo`yicha “Ayollar daftari”ga kiritilgan hamda sud-huquq sohasiga oid masalalar yuzasidan huquqiy yordamga muhtoj bo`lgan jami 13 nafar xotin-qizlar bilan sayyor uchrashuv o`tkazdi.
Qabul qilingan xotin-qizlarning 1 nafari sud-huquq, 12 nafari esa ijtimoiy-iqtisodiy va boshqa masalalarga murojaat qildi.
2 ta shaxsga murojaatlari yuzasidan tuman adliya bo`limi tomonidan ariza yozishda amaliy yordam berildi. Shuningdek, murojaatlarning:
- 7,6 foizi holat sud ijrosi va aliment undirish bilan bog`liq;
- 92,3 foizi holatlar boshqa ijtimoiy masalalarga oid.
1 nafar shaxsning murojaatlari yuzasidan arizalari qabul qilinib, tegishli idora va tashkilotlarga (tuman hokimligi va aholi bandligiga ko`maklashish markazi va hakozo) topshirildi, ularning mas`ul xodimlari tomonidan murojaat egalari bilan suhbatlar o`tkazilib, amaliy yordamlar ko`rsatildi.
12 nafar shaxsning murojaatlari yuzasidan hukuqiy tushuntirishlar berildi.
Fuqarolik ishlari bo`yicha Yakkasaroy tumanlararo sudi raisi o`rinbosari Anvar Yoriev Sirg`ali tumanidagi “Ezgulik”, “Qo`shqo`rg`on, “Asrobod” mahallalarida aholi bilan uchrashib, ularni qiynayotgan savollarga huquqiy jihatdan tushuntirishlar berdi.
Fuqarolik ishlari bo`yicha Mirobod tumanlararo sudi sudyasi Nazima Zaxidova esa tumandagi “Yangi qo`yliq” MFYda psixolog M.Tagaeva ishtirokida mahalla faollari va ayollar bilan uchrashdi.
Jinoyat ishlari bo`yicha Bektemir tuman sudi sudyasi Farhod Abdushukurov tomonidan Bektemir tumanidagi “Roxat” mahallasida,
Jinoyat ishlari bo`yicha Yashnobod tuman sudi sudyasi Anvar Ikromov “Tong” MFYda xotin-qizlar bilan uchrashib, “Ayollar daftari”ga kiritilgan ayollarga huquqiy tushuntirishlar berishdi.
Yangihayot tumanida ham “Ayollar daftarlari” shakllantirilgan va unga 1.455 ta ayollar kiritilgan. Jinoyat ishlari bo`yicha Yangihayot tuman sudi sudyasi Ikrom Rajabov tumandagi ijtimoiy-iqtisodiy va huquqiy jihatdan ko`makka muhtoj xotin-qizlarning muammolarini o`rganish uchun “Gulshanobod”, “Charog`on” MFYlarda bo`ldi. Huquqiy yordamga muhtoj jami 19 nafar ayollardan: 8 nafari sud-huquq masalalarida, 11 nafari esa ijtimoiy-iqtisodiy va boshqa masalalariga murojaat qilishdi.
Jinoyat ishlari bo`yicha Shayxontohur tuman sudi raisi v.b. Abdulla Abdulxaev "Chorsu" MFYda yashovchi "Ayollar daftari"ga kiritilgan ikki fuqaroni xonadonida bo`lib, ularni qiynayotgan muammolarni o`rgandi, moddiy yordam va kerakli huquqiy tushuntirishlar ham berdi.
Toshkent shahar sudining fuqarolik ishlari bo`yicha sudlov hay`ati sudyasi Sadoqat Safoeva esa tumandagi “Tashabbus”, “Toshkent” MFYlarida bo`lib, ayollar daftariga kiritilgan toifalar, muammolarni hal qilish belgilangan choralar xususida amalga oshirilayotgan ishlar to`g`risida tushuntirishlar berdi. Shuningdek, kommunal xizmatlaridagi kamchiliklar, o`zboshimchalik bilan qurilgan qurilmalar, uy-joy masalalari, kredit muammolari, huquqbuzarlik va jinoiy qilmish uchun javobgarlikni engillashtirish muammolari kabi savollarga atroflicha tushuntirishlar berdi.
