Avval xabar qilganimizdek, Qashqadaryo viloyatining Chiroqchi tumanida bir guruh ayollar Xo`jaobod qishlog`idan o`tuvchi A-378 Qarshi—Samarqand avtomobil yo`lini to`sib, avtomashinalar harakatlanishiga to`sqinlik qilgan.
Ma`lum bo`lishicha, tumanning “Qumdaryo” mahallasi Oqtunli qishlog`ida yashovchi ayollar farzandlari qo`shni qishloqdagi maktabga borish uchun qiynalayotgani, ular Xo`jaobod qishlog`idagi maktabga borishi uchun Qarshi—Samarqand avtomobil yo`lidan kesib o`tishlari xavfli ekanini bildirib, yo`lni to`sib, mashinalar harakatlanishiga qarshilik ko`rsatgan.
Mazkur holat Senatning Mudofaa va xavfsizlik masalalari qo`mitasi nazoratiga olindi, deya xabar qildi Senat Axborot xizmati.
Senat Tumanda yashovchi aholi vakillarini qiynayotgan muammolar yuzasidan qilinishi lozim bo`lgan ishlarni o`rganib, natijalari yuzasidan batafsil axborot beradi.
