Hindistonda vaziyat og`irlashmoqda. Bir kunda 400 mingdan ziyod koronavirusga chalinish holati qayd etildi

Kecha, 1 may kuni Hindistonda birinchi marta 400000 dan ortiq yangi COVID-19 kasalligini qayd etildi. Bu haqda REUTERS xabar bermoqda. 

Hokimiyat organlari oldingi 24 soat ichida, 10 kun ketma-ket 300000 dan ortiq kunlik kasallanishda so`n, 401.993 yangi holatlar haqida xabar berishdi. Federal sog`liqni saqlash vazirligining ma`lumotlariga ko`ra, o`limlar 3523 taga oshib, mamlakatdagi umumiy soni 211.853 ga etdi.

Yuqumli kasalliklarning ko`payishi kasalxonalarni, o`likxonalarni va krematoriyalarni bemorlar bilan to`ldirdi. Odamlar dori-darmon va kislorod topish uchun bosh qotirmoqda. 

Hindiston COVID-19 vaksinalarini ishlab chiqarish bo`yicha dunyodagi eng yirik davlat bo`lsa-da, ba`zi shtatlarda vaksina etishmasligi kuzatilmoqda.

G`arbiy Bengal shtati vaksina etishmasligi sababli 18 yoshdan 45 yoshgacha bo`lgan kattalarga qaratilgan vaksinasiyani boshlay olmadi va federal hukumatni ko`proq ta`minot berishga chaqirdi, dedi shtat sog`liqni saqlashning yuqori lavozimli vakili.

Jiddiy jabrlangan Dehli shtatining bosh vaziri Arvind Kejrival juma kuni odamlarni emlash markazlarida navbatda turmaslikka chaqirdi, chunki "erta yoki indin" ko`proq vaksinalar kelishini va`da qildi.