️Joriy yilning 2 may kuni soat 13:15larda, Toshkent viloyati, Chinoz tumanidan o`tgan M-39 avtomobil yo`lining 862-kilometrida, haydovchi, 1981 yilda tug`ilgan R.A. "Damas" rusumli avtomobilni boshqarayotib, yo`lning o`ng tomonida, yo`l yoqasida to`xtab turgan, Toshkent viloyati Qibray tumani IIB YHXB YPX inspektori N.Yuldashevga biriktirilgan "Neksiya-3" rusumli, tezlikni o`lchovchi moslamalar bilan jihozlangan avtomobilning orqa tomoniga borib urilib, YTH sodir etgan. Bu haqda Yo`l harakati xavfsizligi Bosh boshqarmasi xabar berdi.
️Natijada, "Damas" rusumli avtomobil haydovchisi tan jarohatlari bilan shifoxonaga olib ketilgan.
️Mazkur YTH yuzasidan Toshkent viloyati IIBB YHXB xodimlari tomonidan surishtiruv harakatlari olib borilmoqda.
