Afg`oniston Ichki ishlar vazirligining rasmiy ma`lumotlariga ko`ra, shanba kuni Afg`oniston poytaxtidagi maktab yaqinidagi portlashda kamida 50 kishi halok bo`ldi. 100 dan ortiq odam jarohat olgan. Bu haqda Bi-bi-si xabar berdi.
Ma`lum bo`lishicha, bomba mashinada portlagan. Mashina artilleriya minalariga to`ldirilgan va ular ham portlagan.
Portlash o`quvchilar maktab binosidan chiqib ketayotgan paytda sodir bo`lgan, deydi Bi-bi-si muxbirlari. Ijtimoiy tarmoqlarda joylashtirilgan fotosuratlarda ko`chada yotgan maktab sumkalari aks etgan.
Qurbonlarning aksariyati qizlar, deydi Ta`lim vazirligi vakili.
Dasht-e-Barchi - Qobulning g`arbiy qismida, asosan shia hazoralari yashaydigan hudud. Ilgari bu hudud ko`pincha sunniy islomiy jangarilar hujumlari nishoniga aylanar edi.
Taxminan bir yil oldin mahalliy kasalxonaga hujum uyushtirilib, 24 kishi, jumladan ayollar, bolalar va go`daklar o`lgan.
Shanba kuni kim aniq nishonga olinganligi hali aniq aniq emas. Tolibon portlashda aybsizligini e`lon qilgan.
Qobuldan olingan xabarlarga ko`ra, bu vaqtda shahar odamlar gavjum bo`lgan.
Evropa Ittifoqining Qobuldagi vakolatxonasi o`z tvitterida qizlar maktabi o`quvchilariga qilingan hujum Afg`oniston kelajagiga qilingan hujum ekanligi to`g`risida bayonot bergan.
Yana bir manbaada qayd etilishicha , ushbu maktabda 500 ga yaqin qiz o`quvchi tahsil oldi. Rasmiylarning aytishicha, uzoq vaqt davomida maktab jangarilar tomonidan tahdidlarga duch kelgan.
To`rt oy oldin maktab binosi o`t qo`yishdan allaqachon zarar ko`rgan, ammo yangi o`quv yili boshlanishi bilan o`z ishini davom ettirgan.
Ikki voqea o`rtasida Faraxdagi boshqa ta`lim muassasalariga ham hujum qilinganligi qayd etildi. Xususan, yanvar oyida bir maktab noma`lum shaxslar tomonidan yoqib yuborilgan, boshqasi portlatilgan.
Hozircha murosaga kelayotgan qurolli muxolifat guruhlarining birortasi ham bu buzg`unchilik uchun javobgarlikni o`z zimmasiga olmagan. Mahalliy hokimiyatning ta`kidlashicha, Tolibon jangarilari Farah hududida faol.
