Kinematografiya agentligi buyurtmasiga binoan “Hujjatli va xronikal filmlar kinostudiyasi” DUK va O`zbekiston davlat san`at va madaniyat instituti bilan hamkorlikda “Ijod” studiyasi tomonidan “Muhammad Yusuf: Ulug`imsan Vatanim!” badiiy-publisistik hujjatli filmining suratga olish ishlari davom etmoqda. Bu haqda Kinematografiya agentligi Axborot xizmati xabar berdi.
Film ssenariy mualliflari Iqbol Mirzo, Doston Hojimatov, postanovkachi rejissyor Iqbol Meliqo`ziev, postanovkachi operator Rixsibek Shermuxammedov, badiiy rahbar Ibrohim Yuldashev.
Ijodiy guruh shoirning talabalik yillari epizodlarini O`zbekiston davlat san`at va madaniyat institutida suratga olishdi. Unda institutning mahoratli talabalari ishtirok etishdi. Filmda Muhammad Yusufning lirik she`rlaridan parchalar va xonandalarning mashhur qo`shiqlaridan foydalanilmoqda.
