Kuni kecha Tojikistonda "O`zbek kino kunlari" doirasida Kinematografiya agentligi buyurtmasiga binoan rejissyor Ayub Shahobiddinov tomonidan suratga olingan "Rangsiz tushlar" filmining namoyishi bo`lib o`tdi. Bu haqda Kinematografiya agentligi Axborot xizmati ma`lum qildi.
Filmda 17 yillik mahkumlikdan keyin ozodlikka chiqqan ayol – Kashmiraning hayoti haqida hikoya qilinadi. Ssenariy muallifi Umid Hamdamov, operator Azizbek Arziqulov, rassom Shamshod Ibragimov, kompozitor Ubaydullo Karimov.
Bir qator nufuzli kinofestivallarda ishtirok etgan "Rangsiz tushlar" kinokartinasi Bangladeshda o`tkazilgan "Cinemaking International Film Festival" xalqaro festivalining "Eng yaxshi ssenariy" yo`nalishi bo`yicha g`olib bo`lgan.
Eslatib o`tamiz, Tojikiston Respublikasidagi "O`zbek kino kunlari" 22 maygacha davom etadi.
