Куни кеча Тожикистонда "Ўзбек кино кунлари" доирасида Кинематография агентлиги буюртмасига биноан режиссёр Аюб Шаҳобиддинов томонидан суратга олинган "Рангсиз тушлар" фильмининг намойиши бўлиб ўтди. Бу ҳақда Кинематография агентлиги Ахборот хизмати маълум қилди.
Фильмда 17 йиллик маҳкумликдан кейин озодликка чиққан аёл – Кашмиранинг ҳаёти ҳақида ҳикоя қилинади. Сценарий муаллифи Умид Ҳамдамов, оператор Азизбек Арзиқулов, рассом Шамшод Ибрагимов, композитор Убайдулло Каримов.
Бир қатор нуфузли кинофестивалларда иштирок этган "Рангсиз тушлар" кинокартинаси Бангладешда ўтказилган "Cinemaking International Film Festival" халқаро фестивалининг "Энг яхши сценарий" йўналиши бўйича ғолиб бўлган.
Эслатиб ўтамиз, Тожикистон Республикасидаги "Ўзбек кино кунлари" 22 майгача давом этади.
