2021 yil 28-29 may kunlari Respublika allergologiya ilmiy-ixtisoslashtirilgan tibbiyot markazi maslaxat poliklinikasida “Xalqaro astma va allergiyaga qarshi kurash kuni”ga bag`ishlangan allergik kasalliklari bo`lgan kattalar va bolalar uchun bepul konsultasiya aksiyasi o`tkaziladi. Bu haqda Sog`liqni saqlash vazirligi Matbuot xizmati ma`lum qildi.
Ushbu tadbir “Allergik kasalliklarni profilaktika qilish, ularga tashxis qo`yish va davolashni tubdan takomillashtirish chora-tadbirlari to`g`risida“ gi Prezident qarori ijrosini ta`minlash maqsadida o`tkaziladi.
Tadbir allergologiya sohasida muvaffaqiyatli faoliyat olib borayotgan etakchi mutaxassislar tomonidan amalga oshiriladi. Konsultasiya doirasida bepul ko`riklar, allergik kasalliklarini aniqlash, kasallikka oid tavsiyalar tashkil etiladi.
Konsultasiyalar markazning konsultativ poliklinikasida 09:00 dan 16:00 gacha amalga oshiriladi.
Manzil: Toshkent shahar, Olmazor tumani, Shifokorlar ko`chasi, 2-uy.