2021 yil 25 mayda Qozog`istonda Chevrolet Equinox ishlab chiqarish va sotish boshlandi. Bu haqda kapital.kz xabar berdi.
Avtomobilning narxi 13 490 000 tenge bo`lib, O`zbekiston so`miga o`girsak 310 mln.so`m atrofida bo`ladi.
Chevrolet Equinox uzunligi 4652 mm, kengligi 1843 mm va balandligi 1693 mm. Mashinaning g`ildirak bazasi 2,725 mm. Avtomobil 252 ot kuchiga ega kuchli, ammo tejamkor 2.0L turbo dvigatel bilan jihozlangan. Avtomobilsozlik sanoatidagi eng so`nggi texnologik tendensiyalardan biri turbinadan foydalanish orqali dvigatel kuchini oshirish, shu bilan birga yoqilg`i sarfini tejash va shu bilan atmosferaga zararli moddalar chiqindilarini kamaytirishdir.
0 dan 100 km / soatgacha tezlashishi avtomobil uchun 7,8 soniyani tashkil etadi, uning maksimal tezligi 210 km / soatni tashkil etadi va yoqilg`i sarfi umumiy sikldagi 8,2 litrdan shahar siklida 10,7 litrgacha o`zgarib turadi. Krossover to`rt g`ildirakchali va 9 pog`onali avtomat uzatmalar qutisiga ega.
Chevrolet Equinox qulaylik va xavfsizlikka alohida e`tibor beradi: oltita xavfsizlik yostig`i va deyarli barcha zamonaviy variantlar mavjud. Avtomobilning ichki qismi beshta o`rindiqdan iborat bo`lib, barcha yo`lovchilarga istisnosiz bo`sh joy etarli darajada ta`minlanadi.
Ma`lumot uchun, ushbu avtomobilning O`zbekistondagi muqobilini 414 mln.so`mga xarid qilish mumkin.
