Bu haqda AOKAda o`tkazilgan matbuot anjumanida Ichki ishlar vazirligi Yo`l harakati xavfsizligi bosh boshqarmasi boshlig`i o`rinbosari, polkovnik Erali Bozorov ma`lum qildi.
Qayd etilishicha, maktablarga etaklovchi yo`llarda piyodalar svetoforlarini chaqiruv moslamasiga o`tqazish zarur 185 zamonaviy piyodalar o`tish joylari etishmaydi.
Piyodalar yo`lakchalari tashkil etilmaganligi va yoritilmaganligi natijasida erta tongda yoki tungi vaqtlarda voyaga etmagan piyodalarning harakatlanish xavfsizligini ta`minlash imkoniyati cheklanmoqda. 2731 joyda tartibga solinmagan piyodalar o`tish joyini sun`iy yoritish zarur.
Shuningdek, maktablarda o`quvchilarga yo`l harakati qoidalarini o`rgatish talab darajasida yo`lga qo`yilmagan. Hali-hanuz bu yo`nalishda alohida darslar tashkil etilmagan. Darslar faqat boshqa fanlar hisobidan, etarli malakaga ega bo`lmagan o`qituvchilar tomonidan olib boriladi.
2021 yilning 4 oyi davomida bolalar ishtirokidagi yo`l-transport hodisalari soni 25,3 foizga, ularda halok bo`lgan bolalar soni 64,5 foizga oshib ketgan.
