Bu haqda ayni paytda Surxondaryo viloyati hokimligida Prezident Shavkat Mirziyoev ishtirokida bo`lib o`tayotgan yig`ilishda ma`lum qilindi deya xabar bermoqda "Darakchi" muxbiri Sardorbek Rahmonqulov.
Yig`ilishda Prezident Bandixon, Qiziriq, Muzrabot va Sherobod tumanlarida ochiladigan yangi tadbirkorlik sub`ektlarini er, mol-mulk, kichik korxona aylanmasidan olinadigan soliqlar, yakka tartibdagi tadbirkorlarning qat`iy miqdordagi daromad solig`idan 2024 yil 1 yanvarga qadar ozod etishni taklif qildi.
Bundan tashqari, viloyatdagi tog`li va sho`r erlarda yangidan tashkil etiladigan tadbirkorlik sub`ektlarini ham 2024 yil 1 yanvarga qadar yuqoridagi soliqlardan ozod qilish hamda foyda solig`i stavkasini 2 barobarga kamaytirish kutilmoqda.
Davlat rahbari Bosh vazir o`rinbosarlari- J. Qo`chqorov, S. Umurzoqov va viloyat hokimiga bir oy muddatda ushbu imtiyozlar bo`yicha Soliq kodeksiga tegishli qo`shimchalar kiritish va ularni 1 iyuldan qo`llash to`g`risidagi Qonun loyihasini ishlab chiqish haqida topshiriq berdi.
