Adliya vazirligi tizimida kadrlar munosabatlariga oid ma`lumotlarni yig`ish, saqlash va qayta ishlash hamda ish yuritish bo`yicha avtomatlashtirilgan tizim (“MinJust HR” AT) ishga tushirildi.
Yangi elektron dastur quyidagi imkoniyatlarga ega:
➖ tarkibiy tuzilma, shtatlar, lavozimlar va xodimlar ma`lumotlarini yagona elektron bazaga birlashtirildi, axborotni to`plash va ishlov berish jarayonlari avtomatlashtirildi;
➖barcha buyruqlar, shartnomalar va arizalar faqat tizim orqali elektron ravishda qabul qilinadi;
➖xodimlarning mehnat intizomiga rioya qilishi, ya`ni ishga kelish va ketishi yuzni tanib olish texnologiyasi orqali (Face ID) to`liq nazorat qiladi;
➖vakant lavozimlarni e`lon qilishdan tortib, tanlov o`tkazish va natijalari bo`yicha hujjatlar rasmiylashtirishgacha to`liq elektron amalga oshirish imkoni mavjud (www.vacancy.adliya.uz);
➖martaba daraja, xizmat guvohnoma yoki ruxsatnoma, rag`batlantirish yoki mukofotlar, ko`llanilgan jazo choralari, antropometrik ko`rsatgichlar, xizmat safari, tibbiyot varaqasi, kadrlar zaxirasi, mehnat daftarchalari, xizmat tekshiruvlar, oylik ustama haq miqdorlari, telefon raqamlar va elektron pochta manzillari haqidagi ma`lumotlarni ro`yxatga olish jurnallari bekor qilinib, ularni faqat tizim orqali elektron ravishda yuritish yo`lga qo`yildi;
➖boshqa vazirlik tizimidagi elektron ma`lumot bazalari bilan integrasiya qilinishi ta`minlandi;
➖xodimlarning ish faoliyati samaradorligini avtomatik baholash (KPI) va masofaviy o`qitish tizimi joriy qilindi, vazirlik tizimida kadrlar bo`yicha tahlillar Big Data (katta axborot) tamoyili ishlay boshladi;
Natijada:
byurokratik to`siqlarga chek qo`yiladi, inson omili minimal darajaga tushadi;
qog`oz uchun xarajat tejaladi (yiliga 600 mln);
hujjatlarni rasmiylashtirish, ma`lumot tayyorlash va boshqa ishlarga ketadigan vaqt keskin optimallashadi (kuniga 3-4 soat).
Adliya vazirligining “MinJust HR” avtomatlashtirilgan tizimi mualliflik huquqi sifatida Intellektal mulk agentligidan rasmiy ro`yxatdan o`tkazildi va belgilangan shakldagi guvohnoma olindi.
