Andijon faollari yig`ilishida Prezident Shavkat Mirziyoev mashinasozlik va elektrotexnika sohasidagi muhim masalalarga ham to`xtalib o`tdi.
“Darakchi” muxbiri Sardorbek Rahmonqulovning ma`lum qilishicha, prezident viloyatda 105 gektar erda “Mashinasozlik va elektrotexnika sanoat xabi” maxsus zonasini tashkil etish to`g`risidagi qarorni imzolagan.
“O`zavtosanoat”ga ham topshiriq bor!
Ya`ni, “Mashinasozlik va elektrotexnika sanoat xabi” sanoat xabida 2021-2023 yillarda 80 million dollar investisiya evaziga, 8 ta loyihani amalga oshirish rejalashtirilgan. Jumladan:
- cho`yan detallarni quyish;
- ularga mexanik ishlov berish;
- rezina jipslovchi detallar;
- avtomobil oyna tozalagichlari;
- shassi uchun prujinalar ishlab chiqarish o`zlashtiriladi.
Elektromobil ishlab chiqarish
Davlat rahbari elektromobillar ishlab chiqarish bo`yicha ham mas`ullarga topshiriq berdi.
Andijonda metallurgiya zavodi
Shuningdek, davlat rahbari viloyatda metallurgiya zavodi qurilishi loyihasini ham tayyorlash lozimligini ta`kidlab: “Nima uchun faqat Toshkentda qurishimiz kerak? Andijonda ham imkoniyat bor-ku!” – dedi.
Yig`ilish davom etmoqda.
