Xitoyga suv toshishi tufayli kamida 18 kishi qurbon bo`ldi (foto)

Xitoyning markaziy ko`chalaridagi suv toshqinlari tufayli 18 kishi qurbon bo`ldi. 200 ming kishi esa evakuasiya qilinib xavfsiz hududga ko`chirildi. Bu haqda Xitoyning  South China Morning Post nashri xabar bermoqda.

Daryoning toshib ketishi mamlakatning aholisi eng ko`p bo`lgan mintaqalaridan biri bo`lgan Xenan provinsiyasiga katta ta`sir ko`rsatgan.

So`nggi o`n yilliklardagi eng kuchli yog`ingarchilik deb ta`riflangan mazkur hodisa oqibatida Xitoyning markaziy qismida yog`ingarchilik va suv toshqini qurbonlari o`sishda davom etdi. Taxminan 200 ming kishi boshqa hududga ko`chirilgan va kamida 18 kishi vafot etgan.

Chjenjjouda toshib ketgan to`g`on mamlakatning aholisi eng ko`p bo`lgan mintaqalaridan biri bo`lgan Xenan shahriga talofat etkazgan.

Butun xiyobonlar va metro tunnellari 12,6 million aholisi bo`lgan temir yo`l markazi bo`lgan Chjenjou suv ostida qoldi, seshanba oqshomida tezlikda ketayotgan metro poezdiga  suv toshishi tufayli 12 kishi halok bo`ldi. Devor qulashi natijasida esa ikki kishi qurbon bo`ldi.

Kuchli yomg`irlar Xenanning boshqa qismlarini ham urib, provinsiya bo`ylab temir yo`l va boshqa transport aloqalarini to`xtatdi.

Chjenchjoudan 80 km g`arbda joylashgan Gongyida ko`chkilar va toshqinlar kamida to`rt kishining hayotiga zomin bo`lganligi va ba`zi qishloqlar 24 soatdan ortiq vaqt davomida elektr ta`minotisiz qolayotgani xabar qilindi.

Xenan jamoat xavfsizligi departamentining xabar berishicha, janubdagi Fuchjoudan Luoyang sanoat shahriga ketayotgan bitta poezd, bortida 900 nafar yo`lovchi bilan deyarli 40 soat davomida ushlanib qolgan.

Sinoptiklar ekstremal hodisani so`nggi o`n yilliklardagi eng ko`p yog`ingarchilik deb ta`rifladilar, Xitoy davlat ommaviy axborot vositalari esa metropoliten poezdlari ichida qolib ketgan aholining videolari va tafsilotlar bilan bo`lishdi. Boshqa xabarlarga ko`ra, ba`zi kasalxonalarda elektr quvvati tugagan.