Kinematografiya agentligi buyurtmasiga binoan “Hujjatli va xronikal filmlar kinostudiyasi” DUK tomonidan etuk o`zbek adibi Zokirjon Xolmuhammad o`g`li Furqat hayoti va ijodiga bag`ishlangan “G`urbatda Furqat bor ekan taqdirda” hujjatli filmining suratga olish ishlari boshlandi. Bu haqda Kinematografiya agentligi Axborot xizmati axborot xizmati xabar bermoqda.
Ssenariy muallifi Baxtiyor Yoqubov, rejissyor Muzaffar Qoraboev, operator Ravshan Musaev, rassom Sanjar Aminov, kompozitor Abulqosim Muinzoda, kartina direktori Shuhrat Baltabaev.
Filmda Shafoat Rahmatullaeva, Rasulxon Qodirxonov, Muhammadsoli Yusupov, Gleb Gollender, Mirkamol Qoraboev, Yulduz Payzieva, Bobur Aytmagambetov kabi aktyorlar rollar ijro etmoqda.
Hozirda suratga olish ishlari Farg`ona viloyatining Qo`qon shahridagi Hamza Hakimzoda Niyoziy uy-muzeyida, Muqimiy madrasasida, Qo`qon Jome masjidida, “Barkamol” bolalar maktabida, Islom Karimov nomidagi Toshkent davlat universiteti huzuridagi Qo`qon Neft va gaz sanoati texnikumida bo`lib o`tmoqda.
