Bryusselda 24 mart kuni keng miqyosda o`tkazilgan antiterrorchilik aksiyasi paytida 6 kishi hibsga olingan, deb xabar berdi “Lenta.ru” nashri.
“Portlashdan bir necha daqiqa keyin yaradorlar ingranar, atrof qonga botgandi”, deb eslaydi Bryusseldagi terakt guvohlari. Jette va Skarbek tumanlarida o`tkazilgan maxsus operasiyada maxsus xizmatning barcha harbiy kuchlari, vertolyotlari ishtirok etdi. Qo`lga olingan gumondorlarning necha kun qamoqda saqlanishi bugun, 25 mart kuni ma`lum bo`ladi.
Xabarlarga ko`ra, uch nafar gumondor Bryussel markazida, Federal prokuratura binosi yonida, qolganlari esa Jette tumanida qo`lga olingan.
22 mart kuni Bryussel shahrida sodir etilgan teraktlar oqibatida 31 kishi halok bo`lgan, 300 dan ortiq odam yaralangan. Belgiyada uch kunlik motam e`lon qilingan.
