«Navbahor» 8 futbolchi bilan xayrlashdi, 5 o`yinchi bilan shartnoma tuzdi. Klub braziliyalik legioner bilan 2 yillik kelishuv imzoladi.
Mavsum oldidan tarkibda katta o`zgarishlarga qo`l urganiga qaramay, Viktor Jalilov jamoasi Superliga 1-davrasini muvaffaqiyatsiz o`tkazgach, yozgi transfer oynasida jamoa safida navbatdagi o`zgarishlar kuzatildi.
«Navbahor» quyidagi futbolchilar bilan tuzilgan shartnomalarni ro`yxatdan o`tkazdi:
- Ibrohim G`anixonov (Lokomotiv) — yil oxirigacha ijara
- Boyan Siger (Serbiya) — 2021 yil oxirigacha
- Boyan Naydenov (Bolgariya) — 2021 yil oxirigacha
- Ilhomjon Alijonov (Yangier) — 2022 yil oxirigacha
- Kosta Tenerio Guttiner (Braziliya) — 2023 yil oxirigacha.
Quyidagi futbolchilar bilan tuzilgan mehnat shartnomalari bekor qilindi:
- Nikola Tasich
- Slavisha Stoyanovich
- Bahromjon Turg`unpo`latov
- Bahrom Abdurahimov
- Marko Putinchanin.
«Shuningdek, «Navbahor» Sherzod G`ulomjonov, Ilhom Aliboev, Farhod Mirahmatov kabi futbolchilarni vaqtincha ro`yxatdan chiqardi», - deya yozdi PFL rasmiy sayti.
