«Навбаҳор» 8 футболчи билан хайрлашди, 5 ўйинчи билан шартнома тузди. Клуб бразилиялик легионер билан 2 йиллик келишув имзолади.
Мавсум олдидан таркибда катта ўзгаришларга қўл урганига қарамай, Виктор Жалилов жамоаси Суперлига 1-даврасини муваффақиятсиз ўтказгач, ёзги трансфер ойнасида жамоа сафида навбатдаги ўзгаришлар кузатилди.
«Навбаҳор» қуйидаги футболчилар билан тузилган шартномаларни рўйхатдан ўтказди:
- Иброҳим Ғанихонов (Локомотив) — йил охиригача ижара
- Боян Сигер (Сербия) — 2021 йил охиригача
- Боян Найденов (Болгария) — 2021 йил охиригача
- Илҳомжон Aлижонов (Янгиер) — 2022 йил охиригача
- Коста Тенерио Гуттинер (Бразилия) — 2023 йил охиригача.
Қуйидаги футболчилар билан тузилган меҳнат шартномалари бекор қилинди:
- Никола Тасич
- Славиша Стоянович
- Баҳромжон Турғунпўлатов
- Баҳром Aбдураҳимов
- Марко Путинчанин.
«Шунингдек, «Навбаҳор» Шерзод Ғуломжонов, Илҳом Aлибоев, Фарҳод Мираҳматов каби футболчиларни вақтинча рўйхатдан чиқарди», - дея ёзди ПФЛ расмий сайти.
