Bugun, 8 avgust kuni Lionel Messi «Kamp Nou» stadionida xayrlashuv matbuot anjumanini o`tkazdi. Klub rahbariyati, murabbiylar, jamoadoshlari, oila a`zolari va jurnalistlar yig`ilgan tadbirga so`zga chiqqan argentinalik 34 yoshli hujumchi ko`z yoshlarini tiya olmadi.
Lionel Messining «Barselona» bilan xayrlashuviga bag`ishlangan matbuot anjumanida argentinalik hujumchi klubni tark etishni istamagani haqida gapirdi.
"Xayrli kun. So`nggi bir necha kundan beri bu erda nimani gapira olishim haqida ko`p o`yladim. Chunki boshim qotgan edi, hozir ham o`zimda emasdek men go`yo. Bu erdagi uzoq faoliyatimdan keyin hozirgi vaziyatda men uchun juda qiyin. Ochig`i, bunga tayyor emasdim.
Byurofaksga bog`liq o`tgan yilgi voqealar tarixda qoldi. Ammo bu yil hech qaerga ketmoqchi emasdim. Oilam bilan Barselonada qolishga ishonchimiz komil edi. Bu er mening uyim. Uyimda qolishni hammadan ham ko`proq xohlagandim. Kataloniyada baxtli ekanligimni doim takrorlab kelganman. Barselonadagi hayotim menga yoqardi. Buning barchasi ajoyib edi", - deydi argentinalik futbolchi matbuot anjumanida.
Lionel Messi «Kamp Nou»dagi xayrlashuv matbuot anjumanida qachonlardir «Barselona»ga yana qaytishga umid bildirdi.
"Bu klubning ajralmas bir qismi bo`lish uchun qachonlardir yana qaytishga umid qilaman. «Barselona» jahonning eng yaxshi klubi bo`lib qolishi uchun bu erga qaytib, har qanday rolda bo`lishga tayyorman.
Hozir juda ko`p narsa esimga kelmayapti. Chunki ayni paytda nimadir haqida o`ylab gapiradigan ahvolda emasman", - deydi Lionel matbuot anjumanida.
Eslatib o`tamiz, Messi 2003 yildan buyon «Barselona» asosiy tarkibida to`p surib, 10 marta La Liga chempioni, 7 karra kubok va Superkubok sohibi, 4 marotaba EChL g`olibi va 3 martadan Evropa Superkubogi va klublar o`rtasidagi JCh g`olibligini qo`lga kiritgan.
04.01.2022, 21:24
Fransiyaning "L'Equipe" nashri o`z talqini bo`yicha 2021 yilning eng yaxshi futbolchilaridan tuzilgan ramziy jamoani e`lon qildi. E`tiborlisi shundaki, yakuniy ro`yxatdan Lionel Messi va Krishtianu Ronaldu joy...
15.10.2020, 23:03
«Real» darvozaboni Tibo Kurtua «Yuventus» hujumchisi Krishtianu Ronaldu va «Barselona» sardori Lionel Messi haqidagi fikrlari bilan o`rtoqlashdi.«Menimcha, ularning ikkisi ham boshqa olamdan. Krishtianu — bu...
22.11.2019, 11:28
Kataloniyaning “Barselona” klubi hujumchisi argentinalik Leonel Messi ESPN nashri talqiniga ko`ra, yilning eng yaxshi hujumchisi deb topildi.Messi ushbu yo`nalishda portugaliyalik Krishtianu Ronaldu (“Yuventus”) va fransiyalik...
