AsosiyMadaniyat

Turkiya kinosi "Ipak yo`li durdonasi" Toshkent xalqaro kinofestivalida namoyish etiladi

'Turkiya kinosi "Ipak yo`li durdonasi" Toshkent xalqaro kinofestivalida namoyish etiladi'ning rasmi

Bugun Buxoroda Kinematografiya agentligi bosh direktori Firdavs Abduxoliqov turkiyalik kinoijodkorlar delegasiyasi rahbari, TESIYAPDER tele- va kinematografik filmlar prodyuserlari assosiasiyasi prezidenti, YEKON kuzatuv kengashi a`zosi, Parij madaniyat va san`at uyushmasi vise-prezidenti Sami Dyundar bilan uchrashdi.

Delegasiya O`zbekistonga “Turk dunyosi mamlakatlari: O`zbekiston - Turkiya. Kino sanoati sohasida mamlakatlar o`rtasida hamkorlik va koproduksiya shakllarini izlash" shiori ostida tashrif buyurgan.

Uchrashuv doirasida "Ipak yo`li durdonasi" Toshkent xalqaro kinofestivalida Turkiya kinoijodkorlari delegasiyasining ishtirok etish imkoniyati muhokama qilindi. Shuningdek, delegasiya tarkibi, Toshkent kinofestivaliga Turkiya tomonidan taqdim etiladigan filmlar soni va tarkibi muhokama qilindi. Tomonlar bir qator qo`shma loyihalarni ishlab chiqishga kelishib oldilar.

Uchrashuvda X7-Telecom GmbH boshqaruv kengashi raisi, MUSIAD Evropa mustaqil sanoatchilari va ishbilarmonlari assosiasiyasi prezidenti, «Dark Istambul Media A.Ş»  bosh direktori Burxan Saglam, Butunjahon loyiha tashkiloti direktorlar kengashi a`zosi, Sanoat dizaynerlari professional uyushmasi prezidenti, Ijodiy tashabbuslar kengashi raisi, Design Turkey ijroiya kengashi a`zosi E. Sertak Ersain, Turk dunyosi hujjatli filmlari kinofestivali tashqi aloqalar bo`yicha direktori, Turk dunyosi kinoijodkorlari uyushmasi koordinatori Bayram Bayrammuhammedov va «Buxoriylar» MChJ direktori Ulug`bek Abdullaev ishtirok etishdi.

Tadbir yakunida mehmonlar Buxoro kinoteatrlariga ekskursiya uyushtirishdi va shaharning diqqatga sazovor joylarini tomosha qilishdi.

Boshqa yangiliklar