«Real» sobiq himoyachisi Rafael Varan tez orada rasman «Manchester Yunayted» futbolchisi deb e`lon qilinadi.
28 yoshli fransiyalik himoyachi bugun, 11 avgust kuni Manchesterda tibbiy ko`rikdan o`tdi. «MYu» yaqin soatlar ichida Varan transferini e`lon qilishi kutilmoqda.
Rafael ikki hafta avval «MYu» bilan kelishuvga erishgan bo`lsa-da, hozirgacha karantin qoidalari sababli hali klub safiga kelib qo`shilmagan edi.
Avvalroq, Varan manchesterliklar bilan 2025 yilga qadar shartnoma imzolagani va unga ko`ra yillik 12 million evro maosh olishi haqida xabar qilingandi.
