Ispaniya terma jamoasi va “Portu” klubi darvozaboni Iker Kasilyas ispaniyalik jurnalist Sara Karboneroga rasman uylandi.
FNK nashrining xabar berishicha, ular 20 mart kuni nikohdan o`tgan, Madrid chekkasidagi Boadilya-del-Monte shaharchasida bo`lib o`tgan. Unda ikki guvoh va juftlikning o`g`li qatnashdi. Ularning turmush qurganligi haqidagi xabarlar endi tarqaldi.
Juftlikning asosiy maqsadi nikoh marosimini shov-shuvga aylantirmay, OAVsiz xufyona tarzda o`tkazish bo`ldi. Ushbu juftlik 2009 yildan buyon birga yashab kelmoqda.
