Испания терма жамоаси ва “Порту” клуби дарвозабони Икер Касильяс испаниялик журналист Сара Карбонерога расман уйланди.
ФНК нашрининг хабар беришича, улар 20 март куни никоҳдан ўтган, Мадрид чеккасидаги Боадилья-дель-Монте шаҳарчасида бўлиб ўтган. Унда икки гувоҳ ва жуфтликнинг ўғли қатнашди. Уларнинг турмуш қурганлиги ҳақидаги хабарлар энди тарқалди.
Жуфтликнинг асосий мақсади никоҳ маросимини шов-шувга айлантирмай, ОАВсиз хуфёна тарзда ўтказиш бўлди. Ушбу жуфтлик 2009 йилдан буён бирга яшаб келмоқда.
