Aholini qiziqtirayotgan ushbu savolga Koronavirusga qarshi kurashish shtabi a`zosi Sevara Ubaydullaeva quyidagicha javob berdi:
" - Boshqa davlat fuqarosi sifatida siz borayotgan davlat talablariga rioya qilishingiz kerak bo`ladi va albatta shu davlatlarda belgilangan vaksinalar ro`yxati bo`yicha emlanib borishingiz maqsadga muvofiq.
️Bunday holatda chet el fuqarosi sifatida shu davlat aholisi orasida COVID-19 kasalligini tarqatuvchisi bo`lmasligingiz juda muhim hisoblanadi.
Hozirda O`zbekiston-Xitoy vaksinasini 1-bosqichi bilan emlangan bo`lsangiz, shu vaksina bilan to`liq emlanishingiz talab etiladi. Bu vaksina ro`yxatiga kiritilgan davlatlar ham ko`p, shu davlatlarga bemalol borishingiz mumkin.
Agar siz reja qilgan davlatning ro`yxatida bu vaksina bo`lmasa, to`liq vaksinasiyadan o`tgandan so`ng 3-6 oy o`tib, oilaviy shifokorga uchrashishingiz, organizmdagi hosil bo`lgan antitanachalar va salomatligingiz holati baholangan holda mos keladigan turdagi vaksinani olishingiz mumkin", - dedi Sevara Ubaydullaeva .
