Kecha, 19 avgust kuni Toshkent viloyatining Zangiota tumanida navbatdagi «Xavfsiz hudud» tezkor tadbiri tashkil etildi. Bu haqda Toshkent viloyati IIBB Axborot xizmati ma`lum qildi.
Tadbirda viloyat Prokuraturasi, DXX va IIBB xodimlari ishtirok etib, yashirin ekstremistik faoliyat bilan shug`ullanayotgan «ikkinchi» bir guruh shaxslar ushlandi. Hozirda holat yuzasidan tergov harakatlari davom ettirilmoqda.
Shuningdek, viloyat bo`yicha o`tayotgan «Xavfsiz hudud» profilaktik tadbirlari davomida, "qidiruv», «yonida tig`li jism olib yurish», «belgilangan karantin va «Pasport-viza» qoidalarini buzish», «jamoat joyida spirtli ichimlik iste`mol qilish», «bezorilik» va «noqonuniy ov quroli saqlash» kabi bir nechta holatlar aniqlanib belgilangan tartibda choralar ko`rilyapti.
