Xorazm viloyatiga tashrif buyurgan Shavkat Mirziyoev hozirgina Urganch shahrida qurilayotgan "Jaloliddin Manguberdi" yodgorlik majmuasining qurilish jarayoni bilan tanishdi, deya xabar bermoqda "Darakchi" muxbiri Sardorbek Rahmonqulov.
Maydon markazidan so`nggi Xorazmshoh Jaloliddin Manguberdining haykali o`rin oladi. Bronzadan ishlangan monument Rossiyaning Jukovskiy shahri haykaltaroshlari tomonidan quyib ishlangan.
Ushbu yodgorlik bronzadan yasalgan eng katta ot haykal sifatida Ginnesning rekordlar kitobiga kirishi kutilyapti - balandligi 25 metr atrofida.
Eng katta ot haykal esa Mo`g`ulistonda Chingizxon monumenti bilan birga o`rnatilgan - balandligi 50 metr. Ammo u bronzadan yasalmagan.
"Haykal o‘z yo‘liga. U yerda maktab haykali bo‘lishi kerak. Bu buyuk g‘urur, iftixor! Biz, avvalambor, xalqimizga buyuk xalq, davlat ekanligimizni ko‘rsatishimiz kerak. Hozir butun dunyoda kurash ketyapti. Biz birlashishimiz kerak!" - degan prezident.
