Ayni paytda milliy matbuot markazida O`zbekiston Jurnalistlari ijodiy uyushmasi tomonidan "O`zbekistonda jurnalistlarning huquqiy himoyasi: muammo va echimlar" mavzuida davra suhbati o`tkazilmoqda.
Tadbirda jurnalist dahlsizligini ta`minlashning zaruriyati, ularga kasbiy faoliyatni amalga oshirish chog`ida bo`layotgan bosim va tazyiqlar borasida suhbat olib borildi va savollarga javob beriladi.
Shuningdek, Jurnalistlar ijodiy uyushmasi raisi Olimjon O`sarov jurnalistlarga, xususan Jurnalistlar ijodiy uyushmasi uchun hamon alohida bino va sharoit qilib berilmayotganligi haqida gapirdi.
"Toshkent shahar hokimidan xafaman. Shahar hokimi hanuzgacha O`zbekiston Jurnalistlari ijodiy uyushmasi uchun joy ajratmadi. Biz hanuzgacha ijarada o`tirib ishlayapmiz. Jurnalistlardan iltimos, uyushma muammosini ham yoritishda yordam bering. Davlatimiz rahbarining qarori ijrosi ta`minlanishida sizning ham ko`magingiz zarur", - deya muammo umumiy ekanini ta`kidladi uyushma raisi.
Tadbir davom etmoqda.
