“UzAuto Motors” ishlab chiqarish hajmini oshirdi. Bu haqda kompaniya axborot xizmati xabar qilmoqda.
Axborot xizmati xabariga ko`ra, shu yil iyul oyining o`rtalaridan avgust oyining oxirigacha zavodda modernizasiya ishlari olib borildi.
Shuningdek, yarim o`tkazgichlarning global tanqisligi tufayli Chevrolet Lacetti hamda Chevrolet Spark avtomobillarining ishlab chiqarilishi ham to`xtatilganligi ma`lum qilingan edi.
Bugungi kunda “UzAuto Motors” kompaniyasi barcha ommabop avtomobil modellarini ishlab chiqarishni tikladi.
“UzAuto Motors”ning Asaka shahridagi zavodida ishlab chiqarish hajmi kuniga o`rtacha 800 dan ortiq avtomobilga etdi.
Majburiy tanaffusdan so`ng, ishlab chiqarishning yo`lga qo`yilishi, Sizga avtomobilni etkazib berish muddatini qisqartirish imkonini beradi.
