Qozog`iston telekanallaridan birida efirga uzatilgan “Juldzdar jarkrayd” ko`rsatuvida “O`zbeknavo” estrada birlashmasi faoliyati yuksak e`tirof etildi. Bu haqda “Sayyod.com” sayti xabar bermoqda.
Ko`rsatuvda Qozog`istonning ochiq-sochiq kiyinadigan estrada xonandalari tanqid qilinib, O`zbekistonda faoliyat yuritadigan xonandalarning o`zini tutishi va kiyinishi “O`zbeknavo” nazorati ostida ekanligi aytib o`tilgan. Shu o`rinda lisenziyada nazarda tutilgan talablarni bajarmaganligi uchun ogohlantirilgan va lisenziyadan mahrum qilingan san`atkorlar ham sanab o`tilgan.
“Bir necha yillardan beri Qozog`istonda ijod qilib kelayotgan ‘Saxar’ guruhi yakkaxoni Anvar Jo`raevning aytishicha, Qozog`istonda ‘O`zbeknavo’ kabi tashkilot yo`q va u erda xonandalar faoliyati nazorat qilinmasligi hamda lisenziya ham olinmasligini aytdi”,—deyiladi xabarda.
