Tashqi ishlar vaziri Abdulaziz Kamilov bugun, 8 oktyabr kuni Fransiya Respublikasining Favqulodda va Muxtor Elchisi etib tayinlangan Aurelia Bushezni qabul qildi. Bu haqda vazirlik matbuot kotibi ma`lum qildi.
Uchrashuv davomida ikki tomonlama hamkorlikning dolzarb masalalari, jumladan, avval turli darajalarda erishilgan kelishuvlarning amalga oshirilish jarayoni ko`rib chiqilgan.
Siyosiy muloqotni faollashtirish, parlamentlararo munosabatlarni rivojlantirish, savdo-iqtisodiy va sarmoyaviy aloqalarni, madaniy-gumanitar va turizm sohalaridagi almashinuvlarni jadallashtirish imkoniyatlari muhokama qilingan.
"O`zbekistonning Evropa Ittifoqi “GSP+” preferensiyalar bosh tizimi benefisiari maqomini olishi Fransiya bilan o`zaro savdo uchun yangi ufqlarni ochadi",—deydi Tashqi ishlar vaziri Abdulaziz Kamilov.
