Britaniyaning Derbi shahrida yashovchi 12 yoshli qo`li va oyog`idan ajralgan Izzi Uill ismli qiz batutda sakrash bo`yicha o`tkazilgan musobaqada g`oliblikni qo`lga kiritdi. Bu haqda “Vesti” xabar bermoqda.
Internetga Uill protezlari yordamida haqiqiy sportchilardek harakatlanayotgani aks etgan videorolik joylandi.
Uill bolaligida yurak huruji asoratida qo`l va oyoqlaridan ayrilgan edi.
Qizcha bakterial meningit bilan og`rigani sabab, jarrohlar uning qo`l va oyoqlarini olib tashlashga majbur bo`lgan.
2011 yilda Uillga protez o`rnatishgan edi. Ularning yordamida qizcha yurishni, keyinroq sport bilan shug`ullanishni o`rgandi.
