Oltiariq tumanida qayd etilgan quturish kasalligi bo`yicha turli xabarlar tarqalmoqda.
Mazkur xabarlar yuzasidan Veterinariya va chorvachilikni rivojlantirish davlat qo`mitasi munosabat bildirdi.
Keltirilishicha, Oltiariq tumani “Azimobod” MFY “Obod Diyor” ko`chasi 15-uyda yashovchi fuqaro Xamraliev Azizbek 2021 yil 25 sentyabr kuni Azimobod veterinariya uchastkasi mudiri T.Qirg`izboevga telefon orqali murojaat qilib, 1 bosh sigiri bozordan 13 kun avval sotib olinganligini bildirib, ishtahasi yo`qligi, noxush xolatdaligi xaqida xabar bergan. Uchastka mudiri T. Qirg`izboev kasallangan xayvonni veterinariya ko`rigidan o`tkazganda quturish kasalligiga xos klinik belgilar qayd etilgan.
Ushbu qoramoldan olingan namunalar Viloyat xayvon kasalliklari tashxisi va oziq-ovqat maxsulotlari xavfsizligi davlat markazi virusologiya bo`limida tekshirilganda (28 sentyabr 2021 yil №2850 sonli ekspertizasi) qutirish kasalligi tasdiqlanib, yakuniy tekshirish xulosasi olish uchun 1 oy bioprobaga qo`yilgan.
Oltiariq tumani veterinariya va chorvachilikni rivojlantirish bo`limiga qutirish kasalligiga qarshi kompleks veterinariya-sanitariya tadbirlari o`tkazish bo`yicha ko`rsatma berilgan.
Quturish kasalligini kelib chiqishiga asosiy sabablardan biri Azimobod MFY cho`l hududidagi yovvoyi fauna mavjudligi, ya`ni yovvoyi xayvonlar yoki kemiruvchilar borligi kasallik kelib chiqishiga sabab bo`lgan.
Ushbu xudud tuman veterinariya va chorvachilikni rivojlantirish bo`limi tomonidan alohida nazoratga olinib xozirda aholi qaramog`idagi chorva xayvonlari klinik ko`rikdan o`tkazilib, profilaktik veterinariya-sanitariya tadbirlari o`tkazilmoqda. Mazkur xududda qutirish kasalligiga qarshi 53 bosh it Biokan-R vaksinasi bilan emlandi, 12 bosh daydi qarovsiz itlar Obodonlashtirish boshqarmasi tomonidan ovlandi. Xonadon egasi Xamraliev A va turmush o`rtog`i Xamrolieva N kasal xayvon bilan kontaktda bo`lganligi uchun tuman Sanitariya epidemiologiya osoyishtaligi va jamoat salomatligi markazi tomonidan medisina muolajasi olib, ularning umumiy xolati yaxshi.
Boshqa aloqada bo`lgan shaxslar aniqlanmadi, deyiladi rasmiy xabarda.
