Ijtimoiy tarmoqlarda Olmaliq shahar Mudofaa ishlari bo`limi boshlig`i bozorda ayol kishiga nisbatan noo`rin xatti-harakatni amalga oshirgani aytilayotgan video tarqaldi.
Shundan so`ng videodagi holat Mudofaa vazirligi tomonidan nazoratga olingani aytildi.
Mudofaa vazirligi Tekshiruv natijasi yuzasidan qo`shimcha xabar berdi.
Unga ko`ra, vazirlik tizimidagi hech bir harbiy xizmatchi bu kabi bosimlarni o`tkazishga urinmagan. O`zini yolg`ondan vazirlik xodimi deya tanishtigan shaxs bo`yicha ma`lumotlar mas`ul boshqarma va organlarga topshirilgan.
" - Vazirlik nomidan foydalanib, bunday xatti-harakatni amalga oshirgan shaxs aniqlanadi va unga qonuniy chora ko`riladi", - deyiladi bayonotda.
