Ahmad al-Farg`oniy nomidagi xalqaro fizika olimpiadasida o`zbekistonlik o`quvchilar 1 ta oltin, 2 ta kumush va 5 ta bronza sohibi bo`ldi. Bu haqda Xalq ta`limi vazirligi Matbuot xizmati xabar bermoqda.
Farg`ona viloyatida 8 noyabr kuni start olgan Ahmad al-Farg`oniy nomidagi xalqaro fizika olimpiadasi o`z nihoyasiga etdi. Dunyoning 18 ta davlatidan 130 nafar o`quvchi ishtirok etgan Olimpiada bugun o`z g`oliblarini aniqladi. Tanlov natijalariga ko`ra dunyoning turli davlatlaridan qatnashgan 56 nafar o`quvchi g`olib deb topildi.
