Endilikda haftaning shanba, yakshanba kunlari “Toshkent-Buxoro-Toshkent” yo`nalishida 770/769-sonli “Afrosiyob” zamonaviy poezdlarining qatnovi yo`lga qo`yiladi. Bu haqda O`zbekiston Respublikasi Transport vazirligi Axborot xizmati xabar berdi.
“O`zbekiston temir yo`llari” AJ yo`lovchilarning zamonaviy poezdlarga bo`lgan talabini to`la qondirish, bundan tashqari ichki turizmni rivojlantirishda qo`shimcha imkoniyatlar yaratish maqsad qilgan.
Harakat jadvaliga ko`ra, 2021 yil 13 noyabrdan boshlab, shanba va yakshanba kunlari soat 09:02 da Toshkent markaziy temir yo`l vokzalidan harakatini amalga oshiradigan 770-sonli “Afrosiyob” zamonaviy poezdi Samarqand, Navoiy temir yo`l vokzallarida ham to`xtab o`tib, soat 12:47 da Buxoro 1 temir yo`l vokzaliga etib boradi.
“Afrosiyob” zamonaviy poezdi ushbu kunlarda soat 15:02 da Buxoro 1 temir yo`l vokzalidan harakatini amalga oshirib, soat 18:50 da Toshkent markaziy temir yo`l vokzaliga kirib keladi.