Ayni vaqtlarda qamchiq dovonida qor yog`moqda. Ijtimoiy tarmoqlarda bu haqdagi videolar paydo bo`la boshladi.
YHXBB ob-havo o`zgarayotgani munosabati bilan haydovchilarga transport vositasini boshqarishda muhim ogohlantirish berdi.
"Hurmatli haydovchilar!
O`zbekiston Respublikasi Ichki ishlar vazirligi Yo`l harakati xavfsizligi bosh boshqarmasi haydovchilardan:
- Texnik nosozliklar ayniqsa, rul boshqaruvi va tormoz tizimida nosozliklari bo`lgan transport vositalaridan foydalanmasliklarini;
- isitish tizimi nosoz bo`lgan, avtotransport oynalari terlab sun`iy pardani hosil qilib, ko`rinishni cheklaydigan transport vositalaridan foydalanmasliklarini;
- haydovchilar oraliq masofani xavfsizlik darajasida ushlashlarini;
- belgilangan tezlik talablariga aniq rioya qilishlarini; transport vositasini spirtli ichimlikdan mast bo`lgan holda boshqarmasliklarini so`rab qoladi",-deyiladi xabarda.
