Davlat soliq inspeksiyasida "Soliq ma`murchiligining samarasini oshirish orqalitadbirkorlarga teng sharoitlarini yaratish" mavzusida matbuot anjumani bo`lib o`tdi.
Unda "xufyona iqtisodiyot"ga qarshi kurashish, soliq ma`murchiligi bo`yicha ishlab chiqilgan va 2022 yil yanvar oyidan ishga tushishi rejalashtirilgan tizim muhokama etildi, deya xabar bermoqda "darakchi.uz" muxbiri.
Ma`lum qilinishicha, Vazirlar Mahkamasining tegishli Qaroriga ko`ra, 22 dekabrdan boshlab qo`shilgan qiymat solig`i bo`yicha maxsus tizim orqali ro`yxatdan o`tkazish boshlanadi. Unda soliq to`lovchilarni yuqori, o`rta yoki past darajalari bo`yicha toifalarga ajratiladi. Ro`yxatdan o`tish uchun arizalar 7 kun muddatda ko`rib chiqiladi.
Shuningdek, 1 yanvardan tadbirkorlarning aktivlarini hisobiga olishning yangicha mexanizmi ishga tushadi. E-aktiv avtomatlashtirilgan tizim soliq organlariga tovar va moddiy resurslar hisobini yuritish , tahlil etish ularning harakatlarini masofadan boshqarishga imkon yaratadi. Bunda ham tegishli ro`yxat shakllantiriladi va kirim-chiqim qilingan qoldiq tovarlar unga kiritib chiqiladi. QQS to`lovchilar va ustav jamg`armasida davlat ulushi 50 foizi yuqori bo`lgan yuridik shaxslar. kelgusi yil yanvar oyidan boshlab E-aktiv tizimidan ro`yxatdan o`tishlari lozim bo`ladi.