London shahrining asosiy ramzlaridan biri Big-Ben soati vaqtincha to`xtatib qo`yiladi. Bu haqda “Vesti” nashri xabar bermoqda.
Vestminster qasri minorasida joylashgan dunyoga mashhur soat ta`mirlanadi. Soatni ta`mirlash ishlariga 29 million funt sterling mablag` sarflanadi.
Big-Ben mexanizmi 2017 yilda 157 yil to`xtovsiz ishlaganidan so`ng birinchi marta to`xtatiladi.
Soat yana uzoq yillar to`xtovsiz ishlashi uchun uni ta`mirlash zarurligi aytilmoqda.
Ta`mirlash ishlari bir necha oy davom etadi.
Bu vaqt oralig`ida soat mexanizmi ta`mirlanadi, siferblati esa boshqa rangga bo`yaladi. Bundan tashqari, Elizaveta minorasiga tezkor lift o`rnatiladi.
